სკოლაში მეოთხე კლასელზე სავარაუდო სექსუალური ძალადობის ფაქტზე გამოძიება დაიწყო - შსს

სავარაუდო დანაშაულში რამდენიმე მოსწავლე ფიგურირებს. ერთ შემთხვევაში მეოთხე კლასელზე სავარუდო სექსუალურ ძალადობაზეა საუბარი, მეორე შემთხევევაში კი ფიზიკურ ანგარიშსწორებაზე. როგორც უწყებაში "სანდო წყაროს" განუმარტეს, თემის სენსიტიურობიდან გამომდინარე დეტალები არ საჯაროვდება.

ფაქტს არ უარყოფენ არც სკოლაში, სადაც საგამოძიებო მოქმედებები ჩატარდა. გავრცელებული ინფორმაციით, გამოკითხულები არიან მოსწავლეები, მასწავლებლები და მანდატურები. ასევე, საქმის კურსშია განათლების სამინისტროც.

მშობელის თქმით, სავარაუდო სექსუალურ ძალადობას მეოთხე კლასელზე სკოლის საპირფარეშოში ჰქონდა ადგილი.

შინაგან საქმეთა სამინისტრომ გამოძიება სისხლის სამართლის კოდექსის 150-ე მუხლით დაიწყო, რაც იძულებას გულისხმობს.