როლანდ დავითაძის მკვლელობაში ბრალდებული სასამართლომ დამნაშავედ ცნო

ბათუმის საქალაქო სასამართლომ განზრახ მკვლელობის და ცეცხლსასროლი იარაღის უკანონოდ ტარების ფაქტებზე ბრალდებული დამნაშავედ ცნო.

ბრალდებულს ბრალი საქართველოს სისხლის სამართლის კოდექსის 108-ე მუხლით (განზრახ მკვლელობა) და 236-ე მუხლის მეოთხე ნაწილით (ცეცხლსასროლი იარაღის მართლსაწინააღმდეგო ტარება) წარედგინა.

მკვლელობა ბათუმში, ე.წ. ბონის დასახლებაში ცენტრალური ბაზრის ტერიტორიაზე 31 მაისს მოხდა. დავითაძე სალონში შესულ ცოლ-შვილს გარეთ ელოდებოდა, რა დროსაც მისი მისამართით რამდენჯერმე გაისროლეს. როლანდ დავითაძე კლინიკაში მიყვანისთანავე გარდაიცვალა.