მურთაზ ზოდელავას, ლაშა ბერიძის, გური ჟვანიასა და ირაკლი ჩხვირკვიას საპროცესო შეთანხმება გაუფორმდებათ

არსებული ინფორმაციით, საპროცესო შეთანხმების დამტკიცების შემთხვევაში, მათ რეალური სასჯელი 1 წლისა და 1 თვის ვადით, ხოლო 2 წელი პირობითი მსჯავრი შეეფარდებათ. პროკურატურასა და მსჯავრდებულებს შორის შეთანხმება სააპელაციო სასამართლომ უნდა დაამტკიცოს.

საპროცესო შეთანხმების გაფორმების წინაპირობა ბრალის აღიარებაა.

ცნობისთვის, თბილისის საქალაქო სასამართლოს განაჩენის თანახმად, 2025 წლის 4 ოქტომბრის მოვლენების ორგანიზატორებიდან ლაშა ბერიძესა და მურთაზ ზოდელავას - 7-7 წლით თავისუფლების აღკვეთა აქვთ მისჯილი. ირაკლი ჩხვირკვიასა და გური ჟვანიას კი 5-5 წლით აქვთ თავისუფლება აღკვეთილი.