გელა გელაძემ სუს-ის უფროსის პოსტი დატოვა

სახელმწიფო უსაფრთხოების სამსახურის უფროსმა, გელა გელაძემ თანამდებობის დატოვების შესახებ გადაწყვეტილება სოციალურ ქსელში გაავრცელა. მისი განცხადებით, მმართველი გუნდთან კონსულტაციების შედეგად საქმიანობას სხვა უწყებაში გააგრძელებს.

გელაძემ მადლობა გადაუხადა სუს-ის თანამშრომლებს პროფესიონალიზმისთვის, ასევე პოლიტიკურ გუნდს, ბიძინა ივანიშვილსა და ირაკლი კობახიძეს გამოცხადებული ნდობისთვის.

პარლამენტმა გელა გელაძე სუს-ის ხელმძღვანელად 6-წლიანი ვადით 28 აპრილს დაამტკიცა. მანამდე უწყებას მამუკა მდინარაძე და ანრი ოხანაშვილი უდგნენ სათავეში, რომლებმაც თანამდებობები ასევე ვადაზე ადრე დატოვეს.