ძალადობის ფაქტს დისციპლინური კომიტეტი სწავლობს - 175-ე საჯარო სკოლის დირექტორი

175-ე საჯარო სკოლის დირექტორი სკოლის სიახლოვეს მომხდარ დაპირისპირებაზე, რა დროსაც მეთერთმეტე კლასის მოსწავლემ სახის ძვლების დაზიანებები მიიღო, ინფორმირებულია. ირაკლი კუპატაძე პირველ კომენტარს „სანდო წყაროსთან“ აკეთებს. სკოლის დირექტორის განცხადებით:

კითხვაზე, როგორ გაეპარნენ მანდატურის სამსახურის თანამშრომლებს მოზარდები სკოლის ტერიტორიიდან, დირექტორი გვეუბნება:

„სანდო წყაროს“ ინფორმაციით, შემთხვევა 16 ოქტომბერს მოხდა, რა დროსაც ქართულის გაკვეთილზე პირობითი სახელით ლევანმა თანაკლასელს, ასევე პირობითი სახელით ირაკლის, ქაღალდის თვითფრინავი ესროლა. ამ ფაქტმა ირაკლის უკმაყოფილება გამოიწვია: თანაკლასელს ჯერ შენიშვნა მისცა, შემდეგ კი ხელი გაარტყა. მომდევნო გაკვეთილზე თანაკლასელებმა საგაკვეთილო პროცესი დატოვეს, მანდატურის სამსახურს გაეპარნენ და სკოლის გარეთ გავიდნენ. პირობითი სახელებით - ირაკლიმ ლევანი დაიმარტოხელა და მას სახის არეში დაარტყა. ბიჭმა გონება დაკარგა; „სანდო წყაროს“ გვიყვებიან, რომ გონების დაკარგვის შემდეგ მოზარდი თანაკლასელს წიხლებს სახეში ურტყამდა. 16 წლის ბიჭს სახის ძვლები აქვს მოტეხილი, მას ჩაუტარდა ოპერაციაც.

შინაგან საქმეთა სამინისტროს ცნობით, გამოძიება 126-ე მუხლით მიმდინარეობს, რაც ძალადობას გულისხმობს. უწყების თქმით, გამოვლენილია ერთი პირი. დაზარალებული მოზარდის ჯანმრთელობის მდგომარეობა ამ დროისთვის მძიმე, მაგრამ სტაბილურია.