გამოძიება დაადგენს, მათ შორის, ციხის ადმინისტრაციის შესაძლო როლსაც - ირაკლი კობახიძე

ირაკლი კობახიძე დავით ფეიქრიშვილის შესაძლო ცემის ფაქტს გამოეხმაურა და განაცხადა, რომ აღნიშნულ თემაზე აუცილებლად გააკეთებს კომენტარს, როდესაც გამოძიება დასრულდება.

არსებული ინფორმაციით, პატიმარი დავით ფეიქრიშვილი, გუშინ “ვივამედში“ კვლავ გადაიყვანეს და ის ისევ კლინიკაში რჩება.

ოჯახის მტკიცებით, დავით ფეიქრიშვილი ციხეში სასტიკად სცემეს.  დაკავებულის ადვოკატის, პაატა გოგიაშვილის თქმით, მისი დაცვის ქვეშ მყიფ პირს სახის ძვლები აქვს ჩამტვრეული, დამტვრეული აქვს ნეკნები და თავზე აღენიშნება სისხლჩაქცევები.